Робињо доби интересна понуда: Бразилецот се враќа во Европа?

Искусниот бразилски фудбалер, Робињо би можел да се врати во Европа.

Некогаш најголемата ѕвезда на „Кариоките“ во моментов е без клуб, откако ја прекина оработката со Атлетико Минеиро, а неговите услуги сега се понудени на турскиот Коњаспор. Робињо наводно е заинтересиран за доаѓање во овој клуб и ако до договор дојде тоа би му било враќање во Европа, каде што играше за Реал Мадирд, Манчестер Сити и Милан.

Сепак, конечната одлука се уште не е донесена. Бразилскиот фудбалер е наводно осуден на девет години затвор пред Судот во Милан поради силување и неговото доаѓање во Европа би можело да значи и заминување во затвор. Повеќе информации за потенцијалниот трансфер на бразилската ѕвезда во Коњаспор би требало да имаме во следните денови.