Реал и Милан го договорија трансферот на Брахим Дијаз

Милан постигна договор со Реал Мадрид за трансфер на Брахим Дијаз, пренесуваат италијанските медиуми.

Брахим Дијаз минатото лето се пресели од Реал Мадрид на позајмица во Милан. Одигра одлична сезона и покажа дека е еден од најголемите шпански таленти.

Шпанецот пристигна на „Сан Сиро“ на едногодишна позајмица без опција за откуп, но Милан сакаше да го задржи, па започна преговори со „кралевите“.

„Калчомеркато“ пренесува дека двете страни постигнале договор и Брахим Дијаз ќе се пресели на „Сан Сиро“ на едногодишна позајмица, но Милан ќе има опција да го откупи за 22 милиони евра.

Реал во договорот ќе има бај-бек клаузула и во следните две години ќе може да го врати Шпанецот за 27 милиони евра.

#Milan – #RealMadrid, accordo per #BrahimDiaz: tutti i dettagli https://t.co/qG5kLKV1u3 pic.twitter.com/HGhBh130HY

— calciomercato.com (@cmdotcom) June 30, 2021