Реал има шанса после 27 месеци да биде пред Барса

Новата сезона Реал Мадрид ќе ја отвори денеска на гостувањето кај Селта Виго во 1. коло од Ла Лига.

Реал имаше очајна предсезона, но денеска ќе има прилика за прв пат после 27 месеци да биде пред лутиот ривал Барселона.

Каталонците синоќа беа поразени на Сан Мемес од Атлетик Билбао, па се создаде шанса Реал да биде пред Барселона, но мора да остане непоразен во Виго против Селта.

Сепак, сигурно нема да му биде лесно ниту на Реал, особено поради отсуството на првата ѕвезда Еден Азар.

Кралевите и покрај тоа се фаворити, но синоќа беше и Барселона, така да тимот на Зидан мора да одигра добри 90 минути ако сака да ја отвори сезоната со победа, која може да биде екстра интересна.