Рамос за „арогантниот“ судија: Дали има личен проблем со мене?

Реал Мадрид синоќа беше изненадувачки поразен на гостувањето кај Леванте (1:0) и падна на второто место на табелата.

После мечот капитенот на „кралевите“ Серхио Рамос беше разочаран од односот на судијата Алехандро Ернандез Ернандез и праша дали тој има личен проблем со него.

„Не сакам да зборувам за судиите, бидејќи секој прави грешки, но понекогаш се замислуваш. Критериумите е поинаков за нас. Мене ми досудија пенал за ненамерна игра со рака во Суперкупот, а денеска имаше два такви случаи и немаше пенал. Зборував со Ернандез Ернандез, а во минатото судиите имаа поголема почит кон капитените, а сега се арогантни. Го прашав дали има некој личен проблем со мене и ако е така да разговараме“, истакна Рамос.

„Ако е така, ќе го решиме. Одигравме одличен меч, но ни недостасуваше само гол. Имавме шанси, но не ги претворивме во гол. Загубиме самите, на крајот не ни е крив ниту судијата, ниту ВАР“, додаде капитенот на „кралевите“.