Холандскиот играч за врска Френки Де Јонг неодамна пристигна на припремите на својот нов клуб Барселона.
Зошто проблемот со улични кучиња СÈ УШТЕ постои? | Уште еден поткаст
Де Јонг за Барселона потпиша уште на почетокот на годината, но остана во Ајакс до крајот на минатата сезона. Каталонскиот клуб за него издвои 75 милиони евра и се очекува да биде големо засилување.
Со доаѓањето на Де Јонг се засили конкуренцијата во средниот ред, а тогаш започна да се пишува дека местото во стартниот тим ќе го изгуби Иван Ракитиќ и дека хрватскиот играч ќе бара нов клуб.
Ракитиќ овие денови се поврзува со трансфер во ПСЖ, но Ернесто Валверде не сака да го пушти. Дека Хрватот е голем професионалец покажа на првиот тренинг на овие припреми.
Имено, шпанските медиуми пренесуваат дека Ракитиќ бил најголема поддршка на Де Јонг и му понудил помош за било што. Младиот Холаншанец му порачал дека на него може да смета додека се прилагоди на животот во Барселона.