Раиола се огласи за трансферот на Ибра: Не е сигурно дека ќе се врати во Италија

Иднината на Златан Ибрахимовиќ е главна тема во медиумите на Апенините, кои најавуваат негово враќање во Серија А.

Ибрахимовиќ е слободен агент откако му заврши договорот со ЛА Галакси, а на маса има неколку понуди, па се чека неговата одлука.

Најсилно се шпекулира со негово враќање во Серија А, каде интерес за него покажуваат Милан, Наполи и Болоња.

„Не е сигурно дека Ибра ќе се врати во Италија. Ќе видиме што ќе се случи. Ако тој се врати во Серија А, тоа ќе ја зголеми побарувачката, на технички план, но и на телевизија. Многу земји ќе сакаат да го вклучат телевизорот да го видат Златан. Којзнае каде ќе заврши, ние сме слободни и во моментов не исклучуваме ништо“, изјави Мино Раиола.

„Каде би сакал јас да го видам? Само подалеку од мене да престане да ме нервира“, додаде менаџерот на Швеѓанецот.