Преговорите започнати: Јувентус ја сака ѕвездата од Премиер лигата

„Тутоспорт“, весник кој важи за близок до Јувентус пренесува дека „старата дама“ покажува сериозен интерес за португалскиот репрезентативец и ѕвезда на Вулверхемптон, Рубен Невеш.

21-годишниот плејмејкер блеска оваа сезона во Премиер лигата и го привлече вниманието на многу европски гиганти.

Весникот тврди дека спортскиот директор на Италијанците, Фабио Паратичи веќе имал средба со агентот на Португалецот, Жорге Мендеш и веќе работат на трансферот.

Тешко е да се поверува дека трансферот може да се реализира во јануари, многу поверојатно е дека ќе бидат договорени условите за трансфер на крајот на сезоната.

За Невеш сериозен интерес покажуваат и клубовите од Манчестер, но „бјанконерите“ се спремни да ја победат конкуренцијата благодарение на добрите односи со неговиот агент.

#Juventus, supervertice con #Mendes: #Paratici punta Ruben Neves https://t.co/RGakD7dmsp

— Tuttosport (@tuttosport) November 22, 2018