Преговорите во застој: Рамос одбива да потпише нов договор

Дефанзивецот и капитен на Реал Мадрид, Серхио Рамос се уште не го обновил договорот со „кралскиот“ клуб, а преговорите се во застој.

Имено, Реал му нуди договор на само една сезона, а Рамос во неколку наврати го отфрли тој предлог на „кралевите“.

Постои правило во Реал Мадрид, на играчи на возраст над 32 години, да им се нудат само договори за една сезона и клубот нема намера да направи преседан со Рамос, колку и да е вреден тој за клубот.

Дефанзивецот е дел од Мадрид уште од летото 2005 година, откако беше привлечен од Севиља за 27 милиони евра. Во моментов Рамос има 33 години и неговиот тековен договор истекува во летото 2021 година.

ПСЖ внимателно ја следи ситуацијата и е спремен да му понуди на Рамос богат 4-годишен договор.