Преговорите во завршна фаза: Лихштајнер се сели во Арсенал

Иако изгледаше дека Стефан Лихштајнер кариерата ќе ја продолжи во Борусија Дортмунд, Швајцарецот ја променил одлуката.

Лихштајнер после седум години поминати во Јувентус одлучи да побара нов предизвик. Како наредна станица долго време се споменуваше Борусија Дортмунд, но од Арсенал успеале да ја победат конкуренцијата и овој дефанзивец ќе биде првото засилување за Емери.

Овој 34 годишен фудбалер, Емери сакаше да го доведе и во Пари Сен Жермен, а „Скај Спорт“ тврди дека преговорите на релација „Лихштајнер – Арсенал“ се во завршна фаза и наскоро се очекува и потврда за овој трансфер.

Швајцарецот во Арсенал пристигнува како слободен играч со оглед на тоа дека му истече договорот со Јувентус со кој освои седум титули во домашното првенство.