Потврден големиот скок на Калин, Ѓоковиќ сега е трет на АТП!

Како и што беше претходно најавено, македонскиот тенисер Калин Ивановски направи скок од 43 места и сега е 415. тенисер во светот, додека Новак Ѓоковиќ падна на третото место.

Пласманот на Калин беше најавен уште на почетокот на минатата недела, но се чекаше да заврши турнирот во Рим за да биде и официјален

Зад себе Ивановски има финале во сингл конкуренција на турнирот во Куршумлиска Бања, каде што во двојки и го освои трофејот заедно со Олександр Овчаренко.

Има промени и на врвот, лидер е Карлос Алкараз, втор е Данил Медведев, додека Ѓоковиќ сега е третопласиран. Во топ пет се уште Каспер Руд и Стефанос Циципас.