Потврда стигна: Усаин Болт ја заврши својата авантура во Австралија

Aвстралиската фудбалска авантура на најбрзиот човек на светот, Усаин Болт (32) заврши уште пред и официјално да започне.

Од управата на Централ Кост Маринерс порачаа дека преговорите за договор со поранешниот спринтер пропаднале. Австралискиот клуб потврди дека на Болт му бил понуден договор, но тој не бил задоволен од финансиските услови.

Бројки не се откриваат, но според информациите на медиумите во Австралија Болт барал договор вреден 1.8 милиони евра, додека клубот бил спремен да плати 95.000 евра.

Сопственикот на клубот Мајк Чарлсворт истакна дека Маринерси биле воодушевени што имале прилика да соработуваат со популарниот спортист.

„И покрај тоа што не постигнавме договор за соработка, воодушевени сме што олимпискиот шампион и светски рекордер беше дел од нашиот тим во изминатите осум недели“, изјави првиот човек на клубот.

Се огласи и Болт.

„Сакам да се заблагодарам на клубот, менаџментот, играчите и навивачите кои одлично ме прифатија. На клубот му посакувам успех во продолжение од сезоната“, порача Болт кој во пријателски натпревар успеа да постигне два погодоци.

We wish @usainbolt all the best in his future endeavours and thank him for being a part of the Mariners Family.

BREAKING NEWS: Usain Bolt Update ⚡️https://t.co/Lfi4ccmcMA#CCMFC #ALeague pic.twitter.com/Th1y8sjrvI

— Central Coast Mariners (@CCMariners) November 2, 2018