Поранешната ѕвезда на Реал се сели во Атлетико

Атлетико Мадрид постигна договор за трансфер на Серхио Регилон, пренесуваат шпанските медиуми.

Регилон мораше да го напушти Тотенхем ова лето бидејќи Конте повеќе не смета на него и му порача да си бара нов клуб.

Неколку клубови покажаа интерес за 25-годишниот Шпанец, но на крајот Атлетико Мадрид ја доби битката за неговиот потпис.

„Јорганџиите“ ќе го донесат левиот бек на позајмица со право на откуп следното лето и тој ќе биде замена за Ренан Лоди.

Регилон е поранешен играч на Реал Мадрид, но не доби голема шанса на „Сантиаго Бернабеу“, па сега ќе игра за градскиот ривал.