Поради Ибрахимовиќ, Галакси измамил Србин – напаѓачот најави тужба!

Доаѓањето на Златан Ибрахимовиќ во редовите на Лос Анџелес Галакси предизвика големо внимание ширум светот.

Ибра на дебито постигна два погодоци, но начинот на кој пристигнал во МЛС лигата скапо го платил српскиот фудбалер, Ѓорѓе Деспотовиќ.

Деспотовиќ пред доаѓањето на Ибрахимовиќ имал договорен трансфер со Галакси. Се било договорено и се чекала само визата за тој да пристигне во Лос Анџелес.

Меѓутоа со раскинувањето на договорот помеѓу Ибра и Манчестер Јунајтед плановите на Галакси се промениле. Тие се одлучиле да ја ангажираат големата ѕвезда, а Деспотовиќ останал без трансфер.

После се 26 годишниот напаѓач на Астана од Казакстан најави тужба против американскиот клуб.

„Се беше договорено со Галакси, веќе ми кажаа дека сум нивни играч. Додека чекав виза, Ибрахимовиќ го раскина договорот со Манчестер Јунајтед и ситуацијата тогаш се промени. Го избраа него и го искористија тоа што не потпишаа договор со Астана. Во овој момент ги разгледувам опциите дали има основа за тужба. Се надевам ќе има“, изјави Деспотовиќ.