Познато колку ќе паузира Камвинга

Французинот Камвинга не само што ќе го пропушти вечерашниот натпревар на Реал Мадрид од Суперкупот, туку подолг период нема да биде на располагање на Карло Анчелоти.

Реал Мадрид денеска по направените детални прегледи потврди дека Камвинга ќе биде надвор од терените шест до седум недели и би требало да се врати во октомври.

Сезоната во Ла Лига почнува овој викенд, а Реал го чека натпревар против Мајор в недела од 21:30 часот. Така јасно е дека „кралевите“ без Камвинга ќе бидат и во воведните неколку натпревари од првенството.