Повторен интерес: Рома испрати понуда за Дефрел

Рома повторно покажа интерес и испрати понуда до Сасуоло за напаѓачот Грегоар Дефрел, кој е поврзуван и со Лестер Сити.

Од Рим стигна понуда „тешка“ 15 милиони евра, но таа не е доволна за челниците на Сасуоло. 20-годишниот Дефрел може да исполни различни задачи во нападот и неговите квалитети му се добро познати на тренерот Еузебио Ди Франческо, кој токму од Сасуоло стигна во Рома ова лето.

Како што пренесува Sky Sport Italia, Рома понуди 15 милиони, но од спротивниот табот очекуваат заработка помеѓу 25 и 30 милиони евра.

Дефрел сака да остане во Серија А, но доби и понуда од Премиер лигата, поточно од Лестер Сити. „Лисиците“ понудија 18 милиони евра и бонуси за напаѓачот кој на 38 одиграни натпревари минатата сезона постигна 16 гола и направи пет асистенции.