Пирс Морган го откри мотивите за интервјуто: Роналдо сака да игра во ЛШ

Кристиано Роналдо предизвика вистинска „бура“ со своето контроверзно интервју кое го даде кај Пирс Морган.

Роналдо ги критикуваше раководството на клубот, тренерот Те Хаг и соиграчите, па тоа доведе до предвремено раскинување на договорот со Манчестер Јунајтед.

Пирс Морган сега ги откри мотивите за контроверзното интервју и истакна дека Роналдо сака да игра за клуб кој настапува во Лигата на шампиони.

„Не станува збор за пари. Тој смета дека ако се претстави добро на Мундијалот, ќе го добие тоа што го сака, а тоа е Лигата на шампиони. Сака да игра во најпрестижниот турнир и да има шанса да ги подобрува рекордите и да освојува трофеи“, изјави Морган.