Пике: Тешко дека ќе ја освоиме Ла Лига

Стоперот на Барселона, Жерар Пике смета дека неговиот тим после ремито со Севиља е подалеку од титулата во Ла Лига.

Барселона вчера гостуваше кај Севиља и на крај одигра само 0:0 и Реал Мадрид вечерва има прилика бодовно да се изедначи со Барселона.

„Мислам дека тешко можеме да ја освоиме Ла Лига. Ќе направиме се што можеме, но претпоставувам дека Реал Мадрид нема да изгуби многу бодови. Работата не е повеќе во наши раце. Од она што го видовме во претходните два натпревари ќе ни биде тешко да дојдеме до титулата“.

„Имавме шанси го контролиравме натпреварот, но Севиља се покажа како вистински тим, всушност тие се трети на табелата. Имаат сила и квалитет. Ремите не стави во позиција да не зависиме само од самите себе“, изјави Пике.

Веќе во вторник навечер Барселона ќе го пречека Атлетик Билбао.