Пеп: Разликата меѓу шампионите и другите е нашиот говор на тело

Легендарниот шпански стручњак Пеп Гвардиола успешно ја започна својата деветта сезона во Премиер лигата на клупата на Манчестер Сити.

Шампионот на Англија како гости го совлада Челзи со 2:0, со головите на Халанд и Ковачиќ.

„Ние ја имаме таа предност, ова е наша деветта сезона заедно, така што многу добро се познаваме. Се разбира, има грешки кои треба да се поправат, но ние зборуваме за тоа.

Разликата меѓу шампионите и другите е нашиот говор на телото и како се однесуваме. Тешките моменти и тешките натпревари и реакциите на нив дефинираат голем тим. Горд сум што ги водам овие момци. Имам многу среќа, немам што друго да додадам“.

Шпанецот додаде дека тимот е далеку од вистинската форма, но дека трите бода од Лондон се добра вест.

Сити во второто коло ќе биде домаќин на Ипсвич.