Пенали, пенали и уште пенали! Оваа споредба е доволен доказ за влијанието на ВАР

Иако се уште се играат натпреварите од групната фаза по еден сегмент овој Мундијал сигурно ќе остане запаметен – пеналите!

Со воведувањето на ВАР на Светското првенство се зголеми и бројот на досудени пенали, но сепак и покрај тоа зачудувачка е споредбата со Мундиајлот одигран пред четири години.

Имено, во Бразил на комплетниот Мундијал, 64 натпревари 13 пати судиите покажуваа на белата точка. На ова Светско првенство кое е во тек веќе после 28 натпревари досудени се 14 удари од белата точка.

Ваквиот податок е само дополнителен доказ колку ВАР влијае на фудбалот, но мораме да истакнеме дека на судиите и технологијата не може ништо да им се забележи (кога се досудените пенали во прашање) сите најстроги казни беа оправдано досудени.

Од 14-те досудени пенали, досега само три беа нереализирани.