Официјално: Ѕвездата на Ливерпул во Саудиска Арабија за 45 милиони евра

Бразилскиот играч за врска Фабињо (29) го напушти Ливерпул и кариерата ќе ја продолжи во Ал Итихад, објави саудискиот шампион.

Фабињо последните пет години ги помина во Ливерпул, а со Ал Итихад потпиша тригодишен договор.

Финансиските детали не беа објавени, но британските медиуми објавија дека обештетувањето изнесува околу 45 милиони евра.

Бразилецот во клубот од Џеда ќе им се придружи на освојувачот на Златната топка Карим Бензема и поранешниот играч од средниот ред на Челзи, Н’Голо Канте.

Репрезентативецот на Бразил има 219 настапи за Ливерпул од неговото доаѓање во 2018 година и му помогна на тимот да ги освои титулите во Премиер лигата, Лигата на шампионите, ФА Купот, Лига Купот и Суперкупот на УЕФА.

Во текот на кариерата играше и за Монако, Реал Мадрид, Рио Аве и Флуминенсе. За репрезентацијата на Бразил запиша 29 настапи.

Fabinho behind the scene of the announcement videohttps://t.co/GnyIwFo5vT pic.twitter.com/kfs6fqfIjy

— Ittihad Club (@ittihad_en) July 31, 2023