Официјално: Арсенал се засили со ѕвездата на Андерлехт

Играчот од средниот ред на Андерлехт Самби Локонга е новото засилување за Арсенал, потврди денес клубот од „Емирати“.

21-годишниот играч за врска може да игра на сите позиции во средниот ред и веќе дебитираше за белгиската репрезентација.

Локонга оваа сезона настапи на 31 меча за Андерлехт на кои постигна 3 гола и запиша 3 асистенции, а скаутите на многу европски гиганти го следеа.

Арсенал ја доби битката за неговиот потпис и на Андерлехт му плати 17,5 милиони фунти.

„Тоје многу интелигентен фудбалер. Разговарав со Винсент Компани и тој ми кажа позитивни работи за момчето. Веруваме дека е подготвен за новиот предизвик“, изјави тренерот Артета.

Welcome to north London, Albert! 👋

— Arsenal (@Arsenal) July 19, 2021