Откриени нови детали: Реал воопшто не испратил понуда до Рамос

Денешното издание на весникот „АС“ даде сосема поинаков поглед на ситуацијата помеѓу Серхио Рамос и Реал Мадрид.

Веќе неколку месеци главна тема во шпанските медиуми е иднината на Серхио Рамос, на кого му истекува договорот со Реал на крајот на сезоната.

Медиумите тврдеа дека Рамос ги одбил сите понуди на Реал за нов договор и дека ќе си замина на крајот на сезоната како слободен агент.

Меѓутоа, денешното издание на „АС“ тврди дека Рамос има голема желба да остане во клубот, но до денес „кралевите“ не испратиле никаква понуда до него.

Рамос се уште чека понуда од Реал бидејќи тоа е негов приоритет, а весникот тврди дека претседателот Перез во наредните недели конечно ќе седне на преговарачка маса до капитенот.