Она што му успеа на Мората не го направил никој во историјата на Челзи!

Фудбалерот кој ова лето од шпанската престолнина премина во Англија прикажува фантастични настапи во дресот на својот нов клуб.

Алваро Мората во дресот на Реал Мадрид дебитираше во 2010 година кога прилика му даде Жозе Мурињо.

Набрзо покажа дека поседува голем талент, го споредуваа дури и со Фернандо Мориентес, но после четири години го напушти Мадрид и се пресели во Јувентус.

Во Торино започна да блеска, Реал го врати после две години. „Кралевите“ имаа таква можност преку клазулата која ја вградија во договорот на Шпанецот.

Минатата сезона со Реал стигна до освојувањето на Лигата на шампионите и Примера, постигна три погодоци во најлелитното натпреварување, додека во првенството беше стрелец на 15 погодоци.

Сепак кога пристигна понудата од Челзи ова лето, управата на Реал не размислуваше многу, Мората беше продаден на „сините“ за сума од 70 милиони евра.

Мората одлично ја започна својата кариера во јужен Лондон и во првите 11 настапи учествуваше во 12 погодоци на Челзи, постигна осум и запиша четири асистенции, а ваков старт немал ниту еден фудбалер во историјата на клубот од „Станфорд Бриџ“.

Alvaro Morata has had a hand in 12 goals in his first 11 #PL matches for @ChelseaFC (8 goals, 4 assists) – more than anyone in the club's history#LIVCHE pic.twitter.com/kQnggj2B7d

— Premier League (@premierleague) November 25, 2017