Омилениот гол на Бензема во дресот на Реал, му асистирал Ван Нистерлој

Реал Мадрид синоќа славеше со 6-1 против Мајорка и се врати на врвот во Ла Лига, а одлични на теренот беа Марко Асенсио кој постигна хет-трик, додека Карим Бензема даде два гола.

Францускиот фудбалер постигна голови во третата и 83 минута од мечот, а вториот гол беше негов јубилеен 200 во дресот на „кралевите“.

Бензема стана десетти фудбалер кој стигнал до оваа бројка во шпанскиот шампионат, а за медиумите откри кој му е омилен гол за Реал Мадрид.

„Овој клуб е целиот мој живот и горд сум на тоа. Се надевам дека ќе постигнам уште многу голови. Се обидувам да играм свој фудбал, кој го сакам. Мојот омилен гол? Ќе кажам дека тоа е првиот на асистенција на Ван Нистелрој“, вели Бензема.