Од Јувентус се огласија: Решена дилемата за судбината на Гонзало Игуаин

Спортскиот директор на торински Јувентус, Фабио Партичи потврди дека аргентинскиот напаѓач Гонзало Игуаин и во вториот дел од сезоната ќе остане во Милан.

Игуаин како дел од пакетот во трансферот на Леонардо Бонучи кој заврши во Јувентус беше испратен на едногодишна позајмица во Милан, а оваа сезона се споменуваше дека може да премине во Челзи.

„Сините“ имаат проблеми со напаѓачите. Менаџерот Сари не е задоволен од Оливие Жиру и Алваро Мората и се пишуваше дека побарал да му биде доведен Игуаин со кој соработуваше во Наполи.

Меѓутоа од Јувентус во чија сопственост е договорот на Игуаин потврдија дека од трансферот на „Пипата“ во Премиер лигата нема да има ништо.

„Тој без оглед на се се уште е еден од најдобрите напаѓачи во светот. Тоа го докажа во претходните години. Кога во прашање е неговата иднина, сметам дека тој е важен играч за Милан. Одличен напаѓач е и тие сакаат да го задржат во своите редови и така ќе биде“, изјави Партичи.