Нова сезона стари проблеми: Јунајтед трет натпревар без победа во ПЛ (ВИДЕО)

Четвртото коло во Премиер лигата беше отворено со натпреварот помеѓу Саутемптон и Манчестер Јунајтед. На крајот овој натпревар заврши со резултат 1:1.

Натпреварот одлично започна за Јунајтед бидејќи во 10-тата минута Даниел Џејмс со одличен удар од казнетиот простор погоди за 0:1.

Crveni đavoli poveli protiv Southamptona. pic.twitter.com/B48OS5Yp0v

— SportTime (@SportTi43915378) August 31, 2019

Имаше потоа Ван Бисака солидна шанса, но остана 0:1.

Добро изгледаше Јунајтед во првиот дел. Се закануваа гостите уште неколку пати преку Џејмс, но на полувреме се замина со резултат 0:1.

На отварањето на второто полувреме Рашфорд имаше одлична прилика да ја зголеми предноста, меѓутоа голманот Гун го одбрани неговиот удар.

Саутемптон изедначи во 58-та минута. Де Геа одбрани еден обид на домаќините после корнер, но во продолжение од акцијата Дансо уфрли, а Вестергард беше повисок од Линделоф и погоди за конечни 1:1.

Jannik Vestergaard goal
Southampton vs Man United 1:1pic.twitter.com/4oz7hmlv56

— FootballWTF (@FootballWTF247) August 31, 2019

Јунајтед не успеа адекватно да одговори и покрај тоа што Саутемптон во 73-та минута остана без Дансо кој заработи црвен картон.

Ова е веќе трет натпревар во низа на Јунајтед без победа.