Ништо од Јувентус: Емре Чан се сели во лутиот ривал

Емре Чан готово сигурно на крајот на сезоната ќе го напушти Ливерпул и тоа како слободен играч, откако во неколку наврати одби да го продолжи договорот.

Германскиот репрезентативец во текот на летото беше блиску до трансфер во Јувентус, но тогаш „црвените“ ги одбија сите понуди и го задржаа Чан на „Енфилд“.

Договорот на Емре Чан со „црвените“ завршува на крајот на сезоната, па играчот уште во јануари ќе биде слободен да преговара со заинтересираните клубови и да потпише преддоговор.

Иако се очекуваше дека следното лето ќе пристигне во Јувентус како слободен агент, сепак англиските медиуми тврдат дека Германецот веќе ја одбрал следната дестинација и ќе остане во Премиер лигата.

„Дејли Стар“ тврди дека веќе се е договорено и Емре Чан на крајот на сезоната ќе му се приклучи на тимот на Пеп Гвардиола.

Она што е уште поголем удар за Ливерпул е што Германецот како слободен агент, без обештетување ќе се пресели во големиот ривал.