Никола Јокиќ се појавил во продавница во Горажде, продавачката не го препознала, па направила шоу

Порталот Klix.ba објави интересна и несекојдневна ситуација за Никола Јокиќ.

Одличниот кошаркар од Сомбор се најде во Горажде, снимен е во продавница каде продавачката приреди вистинско шоу.

МВП-то на финалето на НБА, Никола Јокиќ, по којзнае кој пат докажа дека е обичен човек, човек од народот.

Српскиот кошаркар вчера застанал во Гораждe во продавница во селото Баќци, а вистинското шоу направила продавачката Дина.

Јокиќ бил со пријателите и дошол да земе пиво, сок и некои други ситници, а жената која работела на касата не го препознала.

„Ај синко, колку си голем, ти си само за кошаркар“, му рекла Дина, што предизвика општа смеа кај присутните.

Немаше поим дека најдобриот кошаркар на светот е токму пред неа, а и тој добро се насмеа.

Brat Jokic opusteno kupuje pivkana u Gorazdu. A sto je jos jace prodavacica mu rekla " Koliko si visok trebao si biti kosarkas ," pic.twitter.com/BMfgCjdSu3

— Hide Nakaa (@hidenakaaa) July 6, 2023

Јокиќ не бил препознаен од касиерката, а еден од работниците кои работеле во магацинот и сопственикот контактирале со Klix.ba и ги кажале деталите.

„Бев во градот кога ми се јавија и ми рекоа дали знаете дека Никола Јокиќ е во нашиот маркет. Ми се јави работник и ми рече дека Никола и неговите другари застанале и влегле во маркетот.

Тие беа љубезни и весели. Никој не можеше да поверува, но тоа се случува. Дина, касиерката, не насмеа сите. Секако, ги споделивме снимките. Раџа е воодушевен од средбата, но жал ни е што немавме можност малку да поразговараме. Никола, но и сите останати се секогаш добредојдени во Горажде и кај нас“, рече сопственикот.