Кадсија официјално го назначи Ахмет Кандемир за нов шеф на стручниот штаб. Искусниот турски тренер ја продолжува кариерата во Кувајт, откако неговиот последен ангажман во Каршијака заврши со обезбеден опстанок во елитата.
Кандемир ја презеде екипата од Измир во завршницата од минатата сезона, во момент кога се бореше да го задржи суперлигашкиот статус. Со него на клупата, Каршијака забележа пет победи во последните седум првенствени натпревари, со само два пораза, и остана во најсилната турска конкуренција.
Неговиот договор истече на крајот од сезоната. Пред почетокот на новата, за 56-годишниот стручњак се споменуваа понуди од Кувајт и од Катар, а сега е потврдено дека следниот предизвик ќе му биде Кадсија.
Станува збор за еден од позначајните клубови во кувајтската кошарка. Клубот е основан во 1953 година, а неговата кошаркарска екипа ја освои домашната титула во 2016 година и уште четири пати завршуваше како вицешампион.
Пласманот во финалето на кувајтското првенство во сезоната 2023/24 ѝ донесе на Кадсија прво учество во Заливската лига во рамките на ФИБА ВАСЛ. Во изданието 2024/25 тимот стигна до полуфиналето на тоа натпреварување.
Кандемир зад себе има тренерски ангажмани во Бешикташ, Каршијака, Трабзонспор, Маниса ББСК, Мерсин, Анталија, Јешилгиресун и Сигал Приштина. Со Каршијака играше и финале во Купот на Турција во сезоната 2004/05.
Учество во игри на среќа е дозволено за лица со 18+ години. Играј одговорно!