На Суарез му се отвори голема шанса: Дортмунд го сака како замена за Алер

Луис Суарез би можел кариерата да ја продолжи во Бундеслигата и да го облече дресот на Борусија Дортмунд.

35-годишниот напаѓач е слободен агент откако му заврши договорот со Атлетико, па иако се шпекулираше дека ќе се пресели во САД сепак може да остане во Европа.

Германските медиуми пренесуваат дека Борусија Дортмунд е сериозно заинтересирана да го донесе Суарез во своите редови и веќе стапила во контакт со неговиот агент.

„Милионерите“ се најдоа во големи проблеми откако вчера на Себастијан Алер му беше дијагностициран рак на тестисите, па ќе биде надвор од терените на неодредено време.

Алер требаше да биде замена за Халанд, па сега Дортмунд е во потрага по нов напаѓач и верува дека Суарез би бил идеално решени.

Суарез така ќе има можност да игра во уште еден европски гигант и да настапува во Лигата на шампиони.

❗️News Luis #Suarez: Top info via the colleagues @Sky_AlexB, @westsven and @Sky_Jesco! Suarez was offered to Dortmund in order to replace Haller! More about it and more backgrounds today at Sky. @SkySportDE 🇺🇾 https://t.co/0Ngy8FyBgW

— Florian Plettenberg (@Plettigoal) July 20, 2022