На „Олд Трафорд“ се плашат поради Ибрахимовиќ

Како што пренесува „The Sun“, во Манчестер Јунајтед се загрижени дека Златан Ибрахимовиќ никогаш повеќе нема да биде истиот играч како пред операцијата на коленото.

Златан на крајот од минатата сезона доживеа многу тешка повреда на коленото во натпреварот од Лигата на Европа поради која мораше да паузира седум месеци, а на теренот се врати пред неколку недели.

Сепак, многумина сметаат дека тој во моментов не е нити бледа сенка од играчот кој минатата сезона постигна 28 гола на 46 натпревари. Ибра од враќањето на теренот пет пати влезе од клупата и одигра вкупно 73 минути, но не успеа да псотигне гол.

Најлоша беше неговата партија во дербито на Манчестер, кога дефинитивно не ги импресионираше навивачите во последните 20 минути, колку што и играше. Многумина сметаат дека неговите проблеми, а и лошата форма на Лукаку би можела да биде причина поради која Мурињо во јануарскиот трансфер период ќе бара други опции во нападот.