На Барселона и е забрането да купува нови играчи

Роналд Куман по се изгледа ќе мора да се задоволи со актуелниот играчки кадар во новата сезона, пренесуваат медиумите.

„Мирор“ тврди дека Ла Лига и забранила на Барселона да троши пари поради актуелната финансиска состојба во клубот која е далеку од поволна.

Клубовите во Шпанија работат стриктно по правилник и преземените финансиски мерки поради новонастанатата ситуација предизвикана од пандемијата на коронавирусот.

Барселона во моментов на плати троши преку 500 милиони евра и сега и е забрането да доведува нови играчи доколку не продаде некоја од актуелните ѕвезди.

Токму поради тоа Барса се уште не е активна на трансфер пазарот и  не може да ги донесе играчите кои ги бараше Куман, како Депај и Вајналдум.

„Во УЕФА ги гледаат сите цифри кога сезоната ќе се заврши, а ние поставивме стандарди пред сезоната. Ако Барселона се обиде нешто, нашите аналитичари тоа веднаш ќе го забележат. Ние имаме финансиски систем кој е поинаков од финансискиот фер-плеј на УЕФА“, изјави Жорис Еверс од Ла Лига.

Некои информации говорат дека кризата предизвикана од појавата на коронавирусот Барселона ја чинела 300 милиони евра.