Надал поради повреда го откажа Мастерсот во Шангај

Шпанскиот тенисер, Рафаел Надал поради повреда го откажа настапот на Мастерсот во Шангај овој месец, потврди денаска АТП.

Светскиот рекет број два нема да оди во Кина поради повреда на раката и поради тоа се уште нема да може да го загрози првото место на Новак Ѓоковиќ. Двоктарниот финалист во Шангај, турнирот од серијата 1,000, така остана без шанса да освои важни бодови во трката за врвот против бранителот на титулата во тој град Ѓоковиќ, бидејќи минатата година не играше во тој град.

Надал планира на теренот да се врати на Мастерсот во Париз кој ќе се одржи од 26. откромври до 3. ноември.