Мурињо тргнува по најдобриот играч за врска во Серија А

Манчестер Јунајтед одлично ја отвори сезоната во Премиер лигата, но Мурињо сака додатно да го засили тимот, особено после повредата на Пол Погба.

Повредата на Погба се покажа како многу сериозна, па „Специјалниот“ сака да го засили тимот на таа позиција, а прва мета е ѕвездата на Рома, Раџа Наинголан.

Мурињо веќе долго време ги следи настапите на Наинголан и сака по секоја цена да го донесе на „Олд Трафорд“ бидејќи во него гледа долгорочна замена за Мајкл Керик.

„Жозе испрати скаути да следат гоелм број на фудбалери, но Наинголан е најважен од сите. Мурињо е негов голем фан и го сакаше уште додека работеше во Челзи“, изјави извор близок од Манчестер Јунајтед.

29-годишниот Белгиец неодамна го продолжи договорот со „волчицата“, па јасно е дека раководството на Рома нема да го пушти за сума помала од 50 милиони евра.