Мурињо: Тотенхем со мене ќе освои трофеи

Менаџерот на Тотенхем, Жозе Мурињо е уверен дека ќе го доведе тимот до трофеи пред да го напушти клубот.

Лондончаните не освоиле пехар веќе 12 години, последен пат го направија тоа во 2008 година кога го освоија Лига купот.

„Колку му требаа на Јирген и Ливерпул? Четири години, четири сезони. Тоа вклучуваше купување на еден од најдобрите голмани на светот, купување на еден од најдобрите централни дефанзивци во светот и слично. Фокусиран сум на мојот тригодишен договор. Верувам дека можеме да освоиме трофеи во тој период. Ако не, и клубот го стори тоа после мене, ќе бидам среќен за тоа“, истакна Мурињо.

„Мојата амбиција е иста, мојата ДНК е иста, но јас веројатно сум во фаза каде што помалку гледам во себе и моите рекорди и повеќе го гледам клубот. Јас сум оптимист затоа што започнав да работам уште од првиот ден. Веруваме дека ќе направиме промени во составот и затоа не ни требаат големи инвестиции. Не можам да верувам дека имало толку многу негативни епизоди во текот на сезоната, рече Португалецот.