Мурињо прозборе за својата иднина: Нормално дека тоа ќе ми биде чест

Манчестер Јунајтед вчера на сметката на Мурињо му исплати 15 милиони фунти.

Оваа информација за Дејли Мејл ја пренесува извор близок на Мурињо кој додава дека сега се е решено со Јунајтед и португалскиот тренер сега може да бара нов клуб.

Мурињо веќе одамна се поврзува со Реал Мадрид, но и Интер, а самиот Португалец истакна дека ќе му биде чест повторно да се врати во еден од своите поранешни клубови.

„Нормално дека тоа ќе ми биде голема чест, но не сме преговарале. Кога вас ќе ве посакуваат поранешните клубови, тоа е огромна чест. Тоа значи дека сте направиле нешто добро и дека вредите како личност.“ – изјави Моу и додаде:

„Ова е момент кога треба да бидам смирен, да видам каде грешев и ја анализирам годината зад мене. Исто така, да почнам да се спремам за следните предизвици.“