Момчето кое вчера го сруши Реал Мадрид спортот го носи во својот ген

Никола Власиќ популарен во фудбалскиот свет стана откако вчера постигна гол против европскиот шампион Реал Мадрид и донесе победа за ЦСКА Москва (1:0).

Шпанската новинарка на „АС“ Менча Фернандез денес преку кратка биографија и го претстави Власиќ на јавноста во Шпанија. Во нејзиниот текст таа објаснува дека

Власиќ со вчерашниот гол излегол од сенката на неговата позната сестра, Бланка која е една од најуспешните атлетичарки во Хрватска.

„Беше само прашање на време кога Никола ќе стане вест на денот бидејќи го носи спортот во своите гени. Неговиот татко Јошко беше десетобоец и освои злато на

Медитеранските игри во 1983 година. Сепак, најпознат член на нивното семејството е Бланка која е негова сестра. Таа освои злато во скок во височина на светските првенства во 2007 и 2009 година. Во 2010 година стана европска шампиона, а на Олимписките игри во Пекинг и Рио освои сребрен и бронзен медал“.

„Никола нема такво импресивно сиви, но со 20 години се наоѓа на листата на „Гардијан“ од 40 најдобри фудбалери на таа возраст. Сега постигна гол против Реал и така го направи своето име уште повеќе познато“, пишува Фернандез.

https://www.youtube.com/watch?v=2dyCkXO8oD8