Кошаркарите на Минесота со 4:0 го елиминираше Феникс за пласман во полуфиналето на Западот во НБА плеј-офот. Во четвртиот натпревар составот на Тимбервулфс славеше со 122:116 на гости против Санси.
Во победничките редови Ентони Едвардс постигна 40 поени, следен од Карл-Ентони Таунс кој запиша 28.
Дерби на Манчестер: Да се види кој е полош!? ↓↓↓
На спротивната страна Девин Букер постигна 49 поени, погоди 20 од 21 слободно фрлање, додека Кевин Дурент додаде 33 поени.
Во полуфиналната фаза Минесота го чека победникот од дуелот меѓу Денвер и Лос Анџелес лејкерс во кој моментно Нагетси имаат предност од 3:1.
Со дури 22 тројки од 43 обиди, Индијана го совлада Милвоки со 126:113 и поведе во серијата на Истокот со 3:1. Без Јанис Антетокунмпо, Бакси се држеа во текот на првото полувреме, но попуштија во третата четвртина и сега се на работ на елиминација.
За Пејсерси доминираше Мајлс Тарнер кој реализираше 29 поени, дури седум тројки од девет обиди, заедно со девет скокови, четири асистенции и три блокади. Кај Милвоки се истакна Брук Лопез со 27 поени и девет скокови.
Учество во игри на среќа е дозволено за лица со 18+ години. Играј одговорно!