Милан е еден од најактивните клубови на трансфер пазарот, а денес италијанските медиуми потврдија дека „росонерите“ веќе го договориле петото засилување.
„Газета дело Спорт“ пренесе, а потоа клупскиот канал на „росонерите“ потврди дека Фабио Борини утре ќе пристигне на прегледи во Милано, а потоа ќе стави потпис на договор со Милан.
Италијанскиот напаѓач минатата сезона играше во Сандерленд, а финансиските детали од трансферот сеуште не се познати.
Борини доаѓа на „Сан Сиро“ по барање на Монтела бидејќи може да игра и како десно и како лево крило, па одлично се вклопува во неговата формација 4-3-3.
Борини најверојатно ќе биде алтернатива на крилните позиции, со оглед на фактот што Милан е во напредни преговори и за играчот на Леверкузен, Хакан Чалханоглу.
Учество во игри на среќа е дозволено за лица со 18+ години. Играј одговорно!