Милан купува голем француски талент

Милан бара засилување во одбраната и е на чекор од комплетирање на трансферот на големиот француски талент, Мохамед Симакан.

20-годишниот Французин минатата сезона блесна во дресот на Стразбур и покажа дека станува збор за еден од најголемите француски таленти.

Симакан одигра 25 меча во сите натпреварувања за Стразбур и го привлече вниманието на многу европски клубови.

Милан ја победи конкуренцијата и постигна договор со агентите на Французинот, а во моментов ги договара последните детали со Стразбур за трансфер вреден 12 милиони евра, пренесува „Екип“.