Милан и Интер на „шопинг“ во Барселона

Миланските гиганти Милан и Интер сакаат да ги засилат тимовите во зимскиот преоден рок и се во потрага по нови засилувања.

Интер се бори за Скудетото заедно со Јувентус, додека Милан ќе се бори за излез во Европа, па двата клуба се во потрага по засилувања.

„Скај Италија“ пренесува дека миланските гиганти во јануари ќе се засилат со играчи од Барселона.

Интер веќе подолго време го сака Артуро Видал, кој и самиот е спремен да ја промени средината и да се врати во Италија.

Од друга страна Милан бара засилување во одбраната, а прва желба на Малдини е Тобидо, кој оваа сезона не добива голема минутажа во Барселона.