Милан започна преговори со младата ѕвезда на Челзи

Милан е силно заинтерессиран за младиот напаѓач на Челзи, Тами Абрахам, пренесуваат италијанските медиуми.

Овој 22-годишен напаѓач не се согласува со условите на новиот договор и се повеќе се зголемуваат гласините дека ќе го напушти „Стамфoрд Бриџ“.

Притоа не е задоволен од статусот во тимот и ретко добива минутажа оваа сезона, па сака да ја промени средината.

Милан најверојатно ќе се раздели со Манџукиќ на крајот на сезоната и сака да донесе млад напаѓач, па верува дека Абрахам ќе биде вистинскиот избор.

Челзи за неговата слобода бара 40 милиони евра и тоа може да биде проблем во преговорите. Наводно „росонерите“ го сакаат напаѓачот на позајмица со право на откуп, по истиот принцип како што го донесоа Томори во јануари.

#Calciomercato #Milan, pista caldissima in #Premier per il vice #Ibrahimovic https://t.co/OA4V9NzWpk

— Rudy Galetti (@RudyGaletti) May 6, 2021