Милан го сака дефанзивецот на Реал

Милан е силно заинтересиран за дефанзивецот на Реал Мадрид, Начо Фернандез пренесуваат шпанските медиуми.

Поранешниот шпански репрезентативец е дете на клубот, а веќе цели 12 години е дел од првиот тим.

Оваа сезона не добива голема минутажа, но Анчелоти му верува и Начо се уште е важен дел од тимот.

Договорот на 32-годишниот дефанзивец истекува на лето, па и самиот е спремен да ја промени средината.

Милан сака да ја искористи таквата ситуација и да го доведе на лето без обештетување како слободен агент.