Милан го продава Пјонтек, но под два услови

Криштоф Пјонтек минатата сезона беше вистинска сензација во Серија А, но оваа сезона се вклопи во „сивилото“ на Милан.

Полскиот напаѓач игра слабо оваа сезона, а после доаѓањето на Златан Ибрахимовиќ сигурно неговата минутажа драстично ќе се намали.

Поради тоа Милан е спремен да го продаде, но сака да ја врати инвестицијата од минатиот јануари кога за неговиот потпис плати 35 милиони евра.

Милан го известил агентот на напаѓачот дека слободно може да бара нов клуб, но под два услови. „Росонерите“ не прифаќаат позајмица и за слободата на Пјонтек бараат 35 милиони евра.

Најсилен интерес за Полјакот покажуваат Тотенхем и Астон Вила, но се уште немаат испратено официјална понуда.