Милан во јануари на „шопинг“ во Барселона

Италијанскиот гигант Милан лошо ја отвори сезоната и после седум кола беше принуден да го промени тренерот.

За нов кормилар беше назначен Стефано Пиоли, но раководството знае дека треба додатно да го засили тимот во јануари.

Приоритет ќе биде доведување на креативен играч за врска, а италијанските медиуми тврдат дека „росонерите“ ќе тргнат по играчот на Барселона, Рафиња Алкантара.

26-годишниот плејмејкер се врати од повредата, но не може да се избори за голема минутажа, па е спремен да ја промени средината во јануари.

Притоа, Рафиња веќе има искуство во Серија А бидејќи играше како позајмен фудбалер во Интер и би сакал да се врати во Милано.

„Росонерите“ ќе се обидат да го донесат Рафиња во јануари на позајмица до крајот на сезоната со право на откуп.