Миланско дерби за ѕвездата на Бешикташ

Италијанските гиганти Интер и Милан се заинтересирани за капитенот на Бешикташ, Огузан Езиакуп, потврди спортскиот директор на турскиот клуб.

23-годишниот Езиакуп игра како офанзивен играч за врска или плејмејкер и еден од најдобрите поединци во Бешикташ и туркста лига. Тој е роден во Холандија и има двојно државјанство, но настапува за турската репрезнетација.

Скаутите на многу европски гиганти ги следат неговите настапи, а спортскиот директор на Бешикташ потврди дека Милан и Интер го потврдиле интересот.

„Интер и Милан го потврдија интересот за Езиакуп, но се уште немаат испратено конкретна понуда. Тој е наш капитен и ние сакаме да остане, но доколку пристигне понуда ќе ја разгледаме“, изјави Али Наиби, директорот на Бешикташ.

Покрај миланските клубови силен интерес за турскиот плејмејкер покажува и Арсен Венгер кој во него гледа идеална замена за Месут Озил.