Мендеш ги обнови преговорите со Челзи

Агентот на Кристиано Роналдо, Жорге Мендеш ги обновил преговорите со Челзи за евентуален трансфер на Португалецот, пренесуваат медиумите на Островот.

Мендеш пред неколку недели го понуди Роналдо на „сините“, но тогаш тренерот Томас Тухел кажа дека не е заинтересиран за Португалецот.

Мендеш сака да провери дали Тухел го променил своето мислење, а британските медиуми пишуваат дека менаџерот се уште бара клуб за Роналдо, кој игра во Лигата на шампиони.

Од друга страна Челзи не успеа да донесе засилување во нападот, па сега Роналдо може да биде добра опција, но сепак примарна цел е Обамејанг од Барселона.

Мендеш е во контакт и со Наполи, но двете страни се далеку од договор, а време има се помалку за евентуален трансфер.