Мбапе откри за кој клуб отсекогаш навивал: Би можел да заиграм таму

Килијан Мбапе станува слободен агент на 30 јуни. Светските медиуми веќе подолго време пишуваат за неговото доаѓање во Реал Мадрид, каде треба да стане еден од најплатените фудбалери на денешницата и клучен човек на Кралскиот клуб.

Веќе некое време е незадоволен и сака да си замине. Претседателот на клубот го задржа пред две години со еден од најголемите договори во историјата на фудбалот.

Во интервју за Скај Спорт, Мбапе откри и еден интересен детал од неговото детство.

“Италијански фудбал? Никогаш не се знае. Отсекогаш сум велел – ако одам во Италија, ќе одам во Милан. Како дете го гледав секој натпревар и бев голем навивач. Целото мое семејство, сите ние навивавме за Милан“, рече тој.