Мбапе: Кажав дека ќе дадам се од себе, тоа и го направив

Килијан Мбапе вчера го одлучи победникот во натпреварот помеѓу ПСЖ и Реал Мадрид.

Така Мбапе повторно се најде во центарот на вниманието, посебно затоа што многу се најавува дека наредната сезона ќе го носи дресот на Реал Мадрид. Вчера Французинот одлучувачкиот гол на натпреварот го постигна во 93-тата минута.

„Неколку пати кажав дека ќе дадам се од себе и во овој натпревар го докажав тоа. Сега сакам истото да го направам и во Мадрид. Одиме на победа, чувањето резултат не е доволно за клуб како ПСЖ. Играм за еден од најголемите клубови во светот и ќе давам се од себе до крајот на сезоната. Дали овој натпревар ќе влијае на мојата одлука за иднината во кариерата? Не, во овој момент не размислувам за тоа“, изјави Мбапе.