Мбапе има четири услови за да остане во ПСЖ

Иднината на Килијан Мбапе е главна тема бидејќи неговиот договор со ПСЖ истекува на крајот на сезоната, а најавите се дека ќе се пресели во Реал Мадрид како слободен агент.

Сепак ПСЖ не се откажува и ќе направи се за да го задржи во Париз. Еминентниот „Екип“ откри дека Мбапе поставил четири услови за да потпише нов договор со „светците“.

Првиот услов што Мбапе го бара од раководството на ПСЖ е да ја подигне сериозноста на друго ниво, и да ја намали слободата на одредени играчи, што воопшто не му се допаѓа.

Вториот услов е тој да стане број еден и во клубот и на теренот и сака да биде заштитно лице на проектот и главна ѕвезда на клубот.

Третиот услов на Мбапе е да добие продолжување на договорот до 2024 година, но со клаузула дека доколку сака може да го напушти клубот по само едно лето.

Последниот и најважен услов е тој да стане најплатениот играч во светот, што не би требало да биде проблем со оглед дека ПСЖ и подготвува таков договор за него.